Hapësire reklamuese

Çështjet kryesore

Aktualitet

Vodhi makinën e kushërirës dhe tentoi ta digjte, arrestohet 40-vjeçari në Tiranë

Shkruar nga Newsbomb
Vodhi makinën e kushërirës dhe tentoi ta digjte, arrestohet
Foto ilustruese

Një 40-vjeçarë ka rënë në prangat e policisë së Tiranës pasi kishte grabitur makinën e kushërirës.

Në pranga ka rënën shtetasi A. Gj., 40 vjeç, banues në Kamzë.

Personi në fjalë kishte vjedhur makinë e kushërirës, shtetases B. Gj., dhe është kapur në flagrancë ndërsa po tentonte ta digjte mjetin.

Njoftimi i Policisë:

Vodhi automjetin e kushërirës së tij, kapet dhe prangoset nga shërbimet e Komisariatit të Policisë Nr. 6, në tentativë për ta djegur automjetin.

Gjatë kontrollit të banesës së këtij shtetasit, Policia gjeti dhe sekuestroi një armë zjarri pistoletë dhe municion luftarak.

Shërbimet e Komisariatit të Policisë Nr. 6, me marrjen e njoftimit se në vendin e quajtur “Casa Italia”, rreth orës 17:30 të pasdites së djeshme, në një parkim ishte vjedhur automjeti në pronësi të shtetases B. Gj., bazuar dhe në pamjet filmike, menjeherë organizuan punën për kapjen e autorit dhe dokumentimin e plotë të ngjarjes.

Si rezultat e veprimeve të shpejta dhe profesionale, pas disa orësh kërkimesh u bë kapja dhe arrestimi në flagrancë i shtetasit A. Gj., 40 vjeç, banues në Kamzë.

Ky shtetas u kap në tentativë për ta djegur mjetin, pasi e kishte lyer me lëndë djegëse (benzinë), por falë ndërhyrjes së shpejtë dhe në kohë të shërbimeve të Policisë u bë i mundur parandalimi i djegies së mjetit.

Në cilësinë e provës materiale u sekuestrua automjeti, për veprime të mëtejshme hetimore.

Materialet i kaluan Prokurorisë së Rrethit Gjyqësor Tiranë, për veprat penale “Vjedhja” dhe “Armëmbajtja pa leje”.

Lexo gjithashtu

Sondazh

Poll