Hapësire reklamuese

Aktualitet

Vodhi 4 banesa për dy javë, arrestohet hajduti 39-vjeçar në Tiranë

Shkruar nga Newsbomb
Drejtoria e policisë Tiranë

Policia e Tiranës ka arrestuar një person dhe ka zbardhur 4 vjedhje banesash.

Blutë raportojnë se është vënë në pranga në sajë të operacionit të koduar “Egnatia” shtetasi me iniciale G. T., 39 vjeç, banues në Tiranë.

Brenda dy javësh 39-vjeçari ka vjedhur 4 banesa në rrugët “Ali Shefqeti”, “Shaban Baxhaku”, “Dhimitër Kamarda” dhe “Leandro Zoto”.

Të arrestuarit i janë gjetur dhe sekuestruar në cilësinë e provës materiale: orë dore, dy varëse, dy çanta dore femrash, të vjedhura në banesa dhe pinca, kaçavidë, çekan e një çelës anglez, të cilat dyshohet se i përdorte për hapjen e banesave.

Tiranë/ Njoftimi i policisë:

Finalizohet operacioni policor i koduar “Egnatia”, për zbardhjen e vjedhjeve të banesave.

Operacioni nga Komisariati i Policisë Nr. 1.

Kapet dhe ndalohet 1 shtetas, i dyshuar si autor i 4 rasteve të vjedhjes së banesave.

Sekuestrohen në cilësinë e provës materiale sende të vjedhura në banesa dhe mjete, të cilat dyshohet se i përdorte për realizimin e vjedhjeve.

Shërbimet e Komisariatit të Policisë Nr. 1, në vijim të punës për parandalimin e vjedhjeve, zbardhjen e atyre të ndodhura më parë, identifikimin dhe kapjen e autorëve, bazuar mbi informacionet e marra në rrugë operative dhe pas një pune të mirfilltë hetimore, finalizuan operacionin policor të koduar “Egnatia”, në kuadër të të cilit kapën dhe ndaluan shtetasin:

G.T., 39 vjeç, banues në Tiranë.

Specialistët për Hetimin e Krimit, bazuar në provat e grumbulluara, informacionet e mara në rrugë operative dhe veprimeve hetimore të kryera bënë të mundur zbardhjen dhe dokumentiin me prova ligjore të 4 rasteve të vjedhjes së banesave nga ky shtetas dhe konkretisht:

Më datë 06.11.2019, në rrugën “Ali Shefqeti”, në banesë, i ka vjedhur aparatin celular shtetasit I. A.

Më datë 29.10.2019, në rrugën “Shaban Baxhaku”, ka vjedhur në banesën e shtetasit A. P.

Më datë 23.10.2019, në rrugën “Dhimitër Kamarda”, ka vjedhur në banesën e shtetasit H. Z.

Më datë 02.11.2019, në rrugën “Leandro Zoto”, ka vjedhur në banesën e shtetases Xh. Z.

Këtij shtetasi i janë gjetur dhe sekuestruar në cilësinë e provës materiale: orë dore, dy varëse, dy çanta dore femrash, të vjedhura në banesa dhe pinca, kaçavidë, çekan e një çelës anglez, të cilat dyshohet se i përdorte për hapjen e banesave.

Materialet proceduriale i kaluan për veprime të mëtejshme Prokurorisë Pranë Gjykatës së Shkallës Parë Tiranë, për veprën penale ‘”Vjedhja”.

Lexo gjithashtu

Sondazh

Poll