Të plagosur mbetën Marsel Shenko, i cili ka marrë plumb në dorën e majtë dhe dëmtime në këmbë e trup. Zhaver Shenko ka marrë një plumb në këmbë, kurse 18-vjecari Flavio Kamberaj ka marrë tre plumba në kofshën e djathtë, legen dhe pjesën e poshtme të këmbës.
I vetmi konflikt qe kanë pasur vellezerit Marsel dhe Zhaver Shenko me autorin ka qenë mbi shit-blerjen e një motori disa muaj me parë. 18-vjecari Flavio Kamberaj mbeti i plagosur rastësisht.
NJOFTIMI I POLICISË PAS NGJARJES
Ngjarja ka ndodhur në zonën e ambulancës pranë një lokali, ku për pasojë kanë mbetur të plagosur 3 shtetas (dy prej tyre në këmbë, tjetri në njërin krah) :
1- M.Sh., 20 vjeç, banues në Vlorë.
2- Zh.Sh., 24 vjeç, banues në Vlorë.
3- F.K., 18 vjeç, banues në Vlorë.
Të dëmtuarit ndodhen në Spitalin Rajonal Vlorë, jashtë rrezikut për jetën. Policia diten e djeshme tha se ka identifikuar autorin e dyshuar dhe po punon për kapjen e tij. Dyshohet se autori në lidhje me këtë ngjarje është shtetasi: E.A. 31 vjeç.
Grupi hetimor ndodhet në vendngjarje dhe po punon për sqarimin e rrethanave të ngjarjes.