Edhe qyteti i Beratit është bllokuar nga reshjet e shiut.
Ndërrimi i stinëve ka sjellë ndryshime të papritura atmosferike duke bërë që të bien reshje të dendura shiu për 30 minuta.
Rritja e volumit të ujit ka bllokuar kanalet e kullimit duke përmbytur bulevardin e qytetit si dhe një pjesë të urës së Goricës. Kjo situatë ka sjellë rritje të trafikut në qytet.
Punonjësit e SHA Ujësjellës-Kanalizimeve të Beratit kanë dalë në terren për të zhbllokuar kanalet dhe për të stabilizuar situatën.