Hapësire reklamuese

Politikë

Vjen në Shqipëri ambasadorja e re e BE-së, dorëzon letrat kredenciale te presidenti

Shkruar nga Newsbomb
Vjen në Shqipëri ambasadorja e re e BE-së, dorëzon letrat

Presidenti i Republikës, Bajram Begaj, ditën e sotme ka pranuar Letrat nga Ambasadorja e re e Delegacionit të Bashkimit Evropian në vendin tonë, Christiane Hohmann.

Begaj i uroi mirëseardhjen në Shqipëri ambasadores dhe i ogroi asaj mbështetje të plotë të institucioneve shqiptare.

Gjithashtu presidenti shprehu mirënjohjen për asistencën financiare të dhënë nga BE për përballimin e dëmeve të mëdha nga tërmeti i nëntorit të vitit 2019, si dhe për përballimin e lehtësimin e situatës gjatë pandemisë së Covid 19.

Begaj nënvizoi ndër të tjera dhe vullnetin politik të institucioneve shqiptare për të përparuar në rrugën e reformave, duke theksuar se integrimi evropian mbetet projekti dhe prioriteti më madhor i Shqipërisë dhe shqiptarëve.

“I ndërgjegjshëm për sfidat dhe vështirësitë që vetë BE-ja e Vendet Anëtare të saj po kalojnë pas agresionit rus në Ukrainë, shpreh besimin se vëmendja e Bashkimit Evropian ndaj rajonit të Ballkanit Perëndimor do të jetë edhe më e madhe, duke e konsideruar procesin e zgjerimit si instrumentin më të mirë gjeopolitik për adresimin e kërcënimeve ndaj paqes dhe sigurisë së rajonit dhe të kontinentit në tërësi”, nënvizoi presidenti.

Sondazh

Poll

Lexo gjithashtu

Hapësire reklamuese