Në Kuvendin e Serbisë sot po diskutohet për Kosovën. Kjo seancë është shoqëruar me o përplasje verbale dhe fizike mes deputetëve të opozitës dhe presidentit serb, Aleksandar Vuçiç.
Vuçiç në këtë seancë ka folur për planin evropian, apo franko-gjerman, për normalizimin e raporteve me Kosovën, teksa opozita e ka cilësuar këtë plan si “kapitullim për Serbinë”.
Në një moment Vuçiç ishte duke folur, kur deputetët e opozitës i ndërprenë fjalën dhe u sulën drejt tij.
Në incident kanë marrë pjesë deputetë të Dverit, Partisë Popullore, Zavetnikut dhe DSS-së, të cilët e kanë ndërprerë Vuçiçin duke brohoritur dhe thënë “Tradhti”, dhe më pas janë drejtuar drejt presidentit.