
Tre shqiptarë janë arratisur ditën e djeshme nga burgu i Trevisos në Itali. Tre të burgosurit prenë hekurat e qelisë dhe zbritën jashtë me çarçafë dhe arritën të arratiseshin. Një skenë tipike nga filmi vizatimor ” Vëllezërit Dalton ” i frymëzuar nga komiku Lucky Luke.
Dy prej tyre u kapën nga policia, ndërkohë 27-vjeçari Edison Pula arriti që të largohet.
Kush është Edison Pula:
Ende në arrati Edison Pula , 27 vjeç nga Shqipëria. Ai u arrestua në shkurt në qendrën tregtare Emisfero di Silea. Pula ishte pjesë e bandës së grabitjes së shtëpive që shënoi 50 goditje mes Trevisos dhe Bellunos dhe është një nga të dyshuarit për grabitjen e naftëtarit Miotto në Mogliano Veneto.
Ai ndodhej në burg me urdhër-arresti europian, për tentativë vrasje , grabitje , posedim lëndësh plasëse dhe krime të tjera lidhur me trafikun e drogës , të gjitha të kryera në Shqipëri.