Nuk i ka pritur aspak mirë vendimet e arbitrit kryesor trajneri i Lushnjes Ilir Gjyla, pas ndeshjes së humbur në Fier me rezultatin 3-1.
Pas përfundimit të ndeshjes ai ka shkuar të prononcohet për mediat, por ka qenë shumë i nxehur me arbitrimin, duke i "bërtitur" edhe gazetarit, që e pyeti se çfarë nuk shkoi siç duhet në ndeshje.
"Pse nuk e pe tiçfarë ndodhi", iu drejtua Gyla gazetarit, duke i thënë që vetë gazetari ta tregonte se çfarë kishte ndodhur në rastin e një penalltie të pretenduar nga lushnjarët.
Por më pas Gjyla ka vendosur ta kalojë me ironi disfatën, duke treguar edhe njën histori në familjen e tij.
"Vëllai im e ka shumë qejf peshkun. Shkoi njëherë mori një peshk të madh në Karavasta, dhe kur e pruri në shtëpi po e qëronte nëna. Kur vajta unë e gjeta që ky peshku i madh kur e çau kishte peshk të vogël brenda, kupton", tregoi trajneri, si për të thënë shprehejn "peshku i madh e ha të voglin", duke e lidhur me ekipin e tij që po dëmtohet nga arbitrat, të cilët favorizojnë ekipet kundërshtare të Lushnjes.
Pas kësaj deklarate ai nuk ka dashur të flasë më, duke ia lënë gazetarit fjalën ën mes.