Persona të paidentifikuar i kanë vendosur zjarrin dhjetra koshave të mbeturinave, të tejmbushura në qytetin e Durrësit.
Situata prej pesë ditësh është alarmante në këtë qytet që duhet të ishte model i pastërtisë sidomos tashmë që pret turistë nga vendi e bota. Koshat janë mbushur dhe plehrat tashmë derdhen si lumë rrugëve.
Shkak është konflikti i Bashkisë, Ministrisë së Financave dhe Landfillit të Sharrës.
Tashmë qytetarët duket se për të hequr aromën e keqe që kundërmon gjithandej, kanë gjetur si zgjidhje zjarrvëninen.