Një grua myslimane u zbrit nga avioni, pasi një pasagjer tjetër mashkull tha se ai nuk "ndihej rehat" me të në aeroplan.
Amani al-Khatahtbeh do të udhëtonte për të kandiduar për Kongresin në Neë Jersey, do të fluturonte nga Newark në Charlotte, Karolina e Veriut, në 14 nëntor.
Ajo pretendon se një burrë u fut pa radhë në aeroplan dhe ajo sfidoi sjelljen e tij.
"Kam pasur përvojën më të çmendur në TSA këtë mëngjes. Një burrë i bardhë mbrapa meje këmbënguli të më kalonte në radhë sepse unë akoma po hiqja këpucët. Kur thashë se ai mund të priste si të gjithë të tjerët, ai filloi të tregonte se si ai është 'para kontrollit' dhe 'klasit të parë'",-shkroi ajo në Twitter.
Zonja al-Khatahtbeh pretendoi se ai vuri bagazhet e tij para saj dhe kapërceu radhën për të kaluar më përpara.
"Nëse unë, një GRUA MUSLIMANE, do të kisha guximin të zemërohesha dhe të kaloja nëpër sigurinë e TSA, do të isha TRUPUAR. Unë do të isha ndaluar, do të humbja fluturimin tim, ndoshta do të akuzohesha, etj." tha ajo.
Zonja al-Khatahtbeh shtoi se, në vend që ta këshillonin burrin, agjentët e TSA e lejuan që të kalonte.
Mbetet e paqartë se çfarë ndodhi midis çiftit dhe sigurimit gjatë hipjes në fluturim, por në kabinë zonjës al-Khatahtbeh iu kërkua të largohej, shkruan "The Independent"
Video e shpërndarë në mediat sociale tregon se dikush nga siguria e aeroportit i thotë asaj se po largohet nga fluturimi sepse një pasagjer "nuk ndihet rehat" me të që ndodhet në aeroplan.
"Nuk ndihem mirë me atë pasagjer që është këtu," përgjigjet zonja al-Khatahtbeh. "Do të doja që ai pasagjer të hiqej."
Ajo shton, "Apo është për shkak se ai është i klasit të parë që nuk po hiqet?", dhe pyet se pse fjala e burrit po besohet mbi fjalët e saj.
Një tjetër udhëtar i quajtur Xhejk veçmas shkroi në Twitter për incidentin, “Duhej të dilja nga fluturimi, sepse një burrë i kërkoi një gruaje myslimane të dilte nga aeroplani. Punonjësit e @AmericanAir ndoqën kërkesën e tij dhe nuk i dhanë gruas asnjë shpjegim. ”
Sipas New Jersey Herald, zonja al-Khatahtbeh u mor në paraburgim nga Autoriteti Portual përpara se të lirohej. Një zëdhënës tha se inspektori i përgjithshëm i pavarur kishte hapur një hetim mbi incidentin.
Drejtori ekzekutiv kombëtar i Këshillit për Marrëdhëniet Amerikano-Islamike (CAIR), Nihad Awad, tha në një deklaratë: "Linja ajrore duhet të shpjegojë menjëherë pse veçoi Amanin duke kontaktuar policinë dhe duke e dëbuar atë nga një fluturim bazuar në fjalën e një burrë që dyshohet se e kishte ngacmuar atë."
Sondazh
Lexo gjithashtu
