Kryeministri Edi Rama ka pritur sot në takim homologen e Danimarkës, Mette Frederiksen, me të cilën zhvilloi dhe një konferencë të përbashkët për shtyp.
Ai i tregoi kryeministres daneze zyrën e tij në kryeministri, ndërsa i dhuroi një shall dhe çantë të punuara me dorë. Kryeministrja u mahnit nga pikturat në zyrën e Ramës, duke thënë se nuk kishte parë kurrë një zyrë të tillë më parë.
Pjesë nga biseda:
Rama: Kjo është zyra ime. Këtu punoj dhe këtu pikturoj. Ndodh gjatë takimeve.
Mette Frederiksen: Aktualisht keni dy zyra?
Edi Rama: Po, ata ulen, ulem dhe unë nga ana tjetër dhe ndërkohë vizatoj. Ju lutem!
Mette Frederiksen: Pra këto janë tuajat dhe mund t’i njoh.
Edi Rama: Kjo është për ju, është i punuar me dorë, dhe së pari ky është një shall.
Mette Frederiksen: Ou është shumë i bukur. Falemindrit.
Rama: dhe ky është një mozazik shumë i famshëm i Shqipërisë. Është po kështu edhe një edicion shumë i kufizuar, ëshët për ju dhe një çantë, me çantë mund të shkoni të bëni pazare të dielave.
Mette Frederiksen: Nuk e kam paër kurrë një zyrë të tillë, mund të jetë e vetmja në botë.
Rama: Angela më tha të njëjtën gjë.
Mette Frederiksen: Të tha të njëjtën gjë? Pikturon aty?
Rama: Jo janë vizatime pastaj hidhen në kompjuter, përpunohen, priten dhe pastaj prodhohen.
Mette Frederiksen: E këndshme! Më pëlqejnë vizatimet, falemiderit shumë, shumë e bukur.