Momenti kur nxirren dokumentet nga bagazhi i makinësKy është momenti kur hetuesit nxjerrin nga bagazhi i makinës me të cilën udhëtonte prokurori i Durrësit Arjan Ndoj thasë me dokumente.
Makinës tip “Mercedes” i bë atentat në datën 1 nëntor te mbikalimi i Shkozetit. Brenda ndodhej prokruori Ndoj, Landi Muharremi dhe shoferi i prokurorit Andi Maloku, i cili ndërroi jetë sot, 6 ditë pas atentatit.
Ata ishin nisur nga Durrësi drejt Tiranës, por pasi u dërguan në spital për mjekim, vendi i ngjarjes u blindua nga forca të shumta policie. Prokurorë nga Krimet e Rënda mbërritën menjëherë dhe nisën hetimet, ndërsa vetëm dy ditë më pas në media u bë publik lajmi se në makinë ishin gjetur tre dosje hetimore.
Përmbajtja e tyre është ende e paqartë, por dyshohet se ato janë dosje që kanë të bëjnë me çështje pronash. Është raportuar se një prej dosjeve është ajo e vrasjes së gjyqtarit të Vlorës Skerdilajd Konomi, një tjetër është dosje e çështjes së pronave në Gjirin e Lalzit, si dhe një dosje që kishte humbur kohë më parë kur u vodh Prokuroria e Durrësit.
Megjithatë vetë prkurori Ndoj nga spitali e ka mohuar një gjë të tillë. Ai ka thënë se materialet e gjetura në bagazhin e makinës, që përdorej nga Ndoj por është në pronësi të një biznesmeni durrsak, nuk janë të rëndësisë së veçantë, pasi në të kundërt do ishte arrestuar.
Momenti kur nga bagazhi i makinës nxirren sasi të mëdha dokumentesh:
Sondazh
Lexo gjithashtu
