Hapësire reklamuese

Aktualitet

Vendimi për vulën e PD, KLGJ: Thirrjet publike për vetëgjyqësi dhe gjuha e urrejtjes ndaj gjyqtarëve është shqetësuese

Shkruar nga Newsbomb
Vendimi për vulën e PD, KLGJ: Thirrjet publike për

Vendimi për vulën e PD, KLGJ: Thirrjet publike për vetëgjyqësi, kundër rendit kushtetues. Gjuha e urrejtjes kundër gjyqtarëve është shqetësuese

Këshilli i Lartë Gjyqësor ka reaguar në lidhje me gjuhën e përdorur ndaj gjyqtarëve të Gjykatës së Apelit pas vendimeve të marra së fundmi.

Në njoftimin e KLGJ theksohet se Gjuha e urrejtjes kundër gjyqtarëve është shqetësuese dhe e papranueshme, ndërsa thirrjet publike për vetëgjyqësi ndaj një akti të pushtetit gjyqësor, pavarësisht mos dakordësisë me të, është quajtur nga KLGJ  haptazi kundër rendit kushtetues mbi bazën e të cilit funksionon shteti i së drejtës.

Një njoftim i tillë nga KGLJ vjen pas vendimit të marrë më 3 mars nga Gjykata e Apelit në lidhje me vulën e PD dhe reagimeve të shumta të ardhura nga aktorët politikë mbi këtë vendim.

Reagimi i plotë:

Këshilli i Lartë Gjyqësor konstaton se ditët e fundit janë bërë deklarata nga persona publikë që shprehin pakënaqësi ndaj një vendimi të dhënë nga Gjykata e Apelit të Juridiksionit të Përgjithshëm.

Si organ i ngarkuar nga Kushtetuta për të garantuar pavarësinë, përgjegjshmërinë dhe mbarëvajtjen e pushtetit gjyqësor, Këshilli i Lartë Gjyqësor konstaton me keqardhje se ky nuk është një rast i izoluar i mosrespektimit të dinjitetit të gjyqtarit, një kusht i domosdoshëm për garantimin e shtetit të së drejtës.

Gjuha e urrejtjes kundër gjyqtarëve është shqetësuese dhe e papranueshme. Thirrjet publike për vetëgjyqësi, ndaj një akti të pushtetit gjyqësor, pavarësisht mos dakordësisë me të, janë haptazi kundër rendit kushtetues, mbi bazën e të cilit funksionon shteti i së drejtës.

Aludimet për “kapje” të gjyqtarëve, referojnë elementë të korrupsionit që, në mungesë të fakteve, minojnë rëndë besimin te drejtësia dhe autoritetin e pushtetit gjyqësor.

Liria e shprehjes e garantuar nga Kushtetuta e Republikës së Shqipërisë, nuk mbron në asnjë rast gjuhën e urrejtjes apo thirrjet për dhunë.

Për nga natyra e vet, veprimtaria gjyqësore shkakton pakënaqësi ndaj njërës apo tjetrës palë, por në një shtet të së drejtës, mjeti ligjor për të kundërshtuar një vendim gjyqësor është ankimi në një gjykatë më të lartë, sipas legjislacionit në fuqi, jo përbaltja e gjykatës, apo e gjyqtarit.

Po ashtu, kushdo që vjen në dijeni të një veprimtarie apo sjellje të gjyqtarit që mund të përbëjë shkelje disiplinore sipas ligjit, ka mundësinë që rastin t’ia referojë Inspektorit të Lartë të

Drejtësisë, për të vlerësuar dhe vendosur nëse është vendi për fillimin e procedimit disiplinor të gjyqtarit.

Lexo gjithashtu

Sondazh

Poll