Tirana
clear sky
36.5 ° C
36.5 °
36.5 °
18 %
1kmh
0 %
Pre
38 °
Sht
39 °
Die
41 °
Hën
40 °
Mar
38 °
E premte, 30 Korrik, 2021

Veliaj inspekton punimet te dy fushat e tenisit në Parkun e Liqenit: Iku koha e zaptimeve, sot i rikthejmë qytetarëve një hapësirë prej 3600 metrash

spot_img
spot_img

Lajme të ngjashëm

5e21b28005d39220287d919f6008c92e

Kryebashkiaku i Tiranës, Erion Veliaj, inspektoi punimet te dy fushat e tenisit në Parkun e Liqenit, një hapësirë e uzurpuar ndër vite, por që i rikthehen qytetarëve në formën e një mjedisi sportiv, rikrijues dhe argëtues.

Veliaj tha se ka ikur koha e atyre që “tokën e xanun” e kishin filozofi politike, prandaj sot kjo hapësirë gjigante prej 3600 metrash i rikthehet qytetarëve.

“I zoti kishte zaptuar 36 metra, i kishte legalizuar dhe hipotekuar në kohën e atyre që ‘tokën e xanun’ e kishin filozofi politike. Mandej, nga 36 metra kishte marrë 3600 metra. Shumë qytetarë as nuk e kanë idenë se pas këtyre kangjellave është një hapësirë gjigante, që i është kthyer komunitetit. Por, përpara se të ngrejmë ‘qepenat’, po kryejmë një nga punimet më të mira që janë bërë në Parkun e Liqenit”, tha ai.

Veliaj rikujtoi kohët kur në Tiranë protestohej për çdo ndërhyrje e projekt të bukur që bënte bashkia në Parkun e Liqenit. Ai theksoi se më 25 prill, parimi është si të shtohen projektet transformuese dhe jo rikthehet filozofia e zaptimit.

“Kush fle gjumë dhe kush zapton, thotë të rikthehen edhe njëherë kohët e vjetra, ajo koha e kap ç’a të kapësh; zapto, përzë qytetarët nga hapësira e tyre. Por, ato janë kohë të kaluara e mos ardhshin kurrë. Në 25 prill parimi është si të bëjmë edhe më shumë gjëra të bukura, si ta shtojmë shpejtësinë e transformimeve, dhe jo të kthehemi te pistoleta në brez kundër këndit të lodrave, apo ujërat e zeza që derdheshin në liqen”, përfundoi Veliaj.

 Projekti parashikon dy fusha tenisi me pikë shërbimi, me rol funksional dhe panoramik, dy tavolina ping-pongu, disa stola në formë shezlongu me pamje nga liqeni, dhe një mol. Gjithashtu, fushat e tenisit do të jenë të pajisura me 12 prozhektorë për ndriçim.

Më shumë

spot_img
spot_img