Kryetari i Bashkisë së Tiranës, Erion Veliaj, ministrja e Infrastrukturës dhe e Energjitikës, Belinda Balluku, si dhe ministrja për Sipërmarrjen, Sonila Qato kanë prezantuar projektin e nënkalimit tek Shqiponja.
Në prezencën e ekspertëve teknik, anëtarëve të Autoritetit Rrugor Shqiptar (ARRSH) drejtorit teknik Enton Bunavisë si dhe zëvendësministrit të Infrastrukturës dhe Energjitikës, Artan Shkrelit, u bë paraqitja e projektit dhe vlerësimi teknik.
Sipas pjesëmarrësve projekti do të ndahet në dy nivele, në nivelin e nëntokës dhe në nivelin zero, e cila do të jetë një vepër ekologjike e më efikase si një rrugë e kategorisë A urbane.
Në rikualifikimin urban të kësaj zone, do të bëhet edhe vlerësimi teknik, si dhe studimi krahasimor për projektin e parë dhe të dytë në zonën e njësisë 7 dhe në rrugën Teodor Keko deri në zonën e Casa Italias.
Kryetari i Bashkisë së Tiranës, Erion Veliaj, së bashku me ministren Qato e Balluku, bënë me dije se tashmë është miratuar zona e shpronësimit ku do të kalojë gjurma e projektit, qeveria ka miratuar me VKM shpronësimet dhe tashmë kjo gjë mund të quhet një proces i mbyllur./newsbomb.al
