Mutacioni "Omicron" është edhe përhapur në Europë. Pas Britanisë janë konfirmuar rastet e para dhe në Gjermani. Dy rastet e para të variantit të ri janë identifikuar në Bavari, njoftoi sot Ministria e Shëndetësisë gjermane.
Dy pacientët, të cilët janë izoluar, mbërritën në aeroportin e Mynihut më 24 Nëntor, përpara se Afrika e Jugut të caktohej nga autoritetet gjermane si "zonë e mutacionit të virusit". Më herët edhe në Britaninë e Madhe u konfirmuan dy rastet e para me variantin “Omicron”.
Shkencëtarët thanë se varianti mutant ishte “varianti më i keq që kanë parë deri më tani”, ndërsa shtuan se vaksinat janë më pak efektive kundër tij. BE u kërkoi vendeve anëtare që të kufizojnë dhe të anulojnë udhëtimet me vendet e Afrikës së Jugut, ku mendohet të jetë shfaqur për herë të parë ky variant i Covid-19.