Presidentja e Komisionit Europian Ursula von der Leyen ka deklaruar se 78% e të gjithë të rriturve në vendet e BE-së janë të vaksinuar. Duke iu referuar varianteve të Covid-19, von der Leyen bën thirrje që të rritet norma e vaksinimit, si dhe qytetarët në mbarë botën të marrin dozën përforcuese anti-Covid-19.
“Këtë vit, miliona evropianë janë vaksinuar kundër COVID-19. Sot, më shumë se 78% e të gjithë të rriturve në BE janë të vaksinuar. Por për t’u marrë me variantet, duhet të rrisim më tej normat e vaksinimit. Ne kemi disa doza për vaksinat dhe doza përforcuese. Pra, le ta bëjmë atë”, shkruan Ursula von der Leyen.