Hapësire reklamuese

Aktualitet

Vangjush Dako kërkon të dalë nga burgu, avokatët kërkesë në Apelin e Posaçëm

Shkruar nga Newsbomb
Vangjush Dako kërkon të dalë nga burgu, avokatët

Avokatët mbrojtës të ish-kryebashkiakut socialist të Durrësit kanë depozituar kërkesë në Gjykatën e Posaçme të Apelit. Ata kërkojnë që klienti i tyre, Vangjush Dako të dalë nga burgu dhe të përfitojë nga një masë më e butë sigurie.

Vendimi i Gjykatë së Shkallës së Parë nuk është zbardhur ende, por avokatët e Dakos kanë bërë kërkesë të paarsyetuar në Apel, për të mos tejkaluar afati i apelimit të vendimit.

Në momentin që do të kenë dhe vendimin e zbardhur, me arsyetimet e Gjykatës së Posaçme për lënien në burg të Vangjush Dakos, avokatët do të parashtrojnë mbrojtjen e tyre duke kërkuar që politikani i njohur socialist të përfitojë një masë më të butë sigurie.

Prokuroria e Posaçme ka zbardhur më herët akuzat në ngarkim të Vangjush Dakos dhe vartësve të tij, të cilët janë arrestuar prej mbrëmjes së 6 Qershorit 2023. Dako akuzohet se bashkë me drejtuesin e Urbanistikës në Bashki dhe topografët, kanë zbardhur një leje 4 vite pasi pallati ishte ndërtuar.

Objekt hetimi, në kuadër të këtij procedimi, kanë qenë dy fakte penale, dhe më konkretisht procedura e dhënies së lejes së ndërtimit të një pallati shumëkatësh dhe plotësimi i dokumentacionit të tij deri në regjistrimin e pasurisë.

Si dhe procedura e prokurimit Shërbim Konsulence për sigurimin e projektit “Projektim zbatim për Promenadën Bregdetare dhe Plazhin publik nga Bërryli deri në Currila” me fond limit 21.000.000 lekë me T.V.SH.

Masat e sigurisë të dhëna nga Gjykata e Posaçme, Shkalla e Parë:

  • Vangjush Dako - Masë sigurie: Arrest me burg
  • Adnand Toçila – Masë sigurie: Arrest me burg
  • Fiqiri Farruku – Masë sigurie: Arrest me burg
  • Meri Semini – Masë sigurie: Arrest në shtëpi
  • Firzilet Hajdëri – Masë sigurie: Arrest në shtëpi
  • Adrian Bulku – Masë sigurie: Arrest në shtëpi
  • Diana Dedja – Masë sigure: Detyrim paraqitje
  • Adhurim Qehajaj – Masë sigurie: Arrest me burg, në mungesë
  • Ermal Lama – Masë sigurie: Arrest me burg, në mungesë
  • Fatmir Ejupi – Masë sigurie: Arrest me burg, në mungesë

Sondazh

Poll

Lexo gjithashtu

Hapësire reklamuese