Një 30 vjeçare është arrestuar nga Policia, pasi ka tentuar të kalonte kufirin me dokumente të falsifikuara. Bëhet me dije se në pranga ka rënë shtetasja E. B., 30 vjeçe, banuese në Kosovë, e cila u kap në portin e Durrësit.
Njoftimi i Policisë:
Tentoi të kalonte kufirin me dokumente të falsifikuara, kapet në flagrancë në PKK Port Durrës dhe vihet në pranga 30-vjeçarja.Shërbimet e Policisë Kufitare në PKK Port Durrës, në vijim të kontrolleve, duke përdorur pajisje të teknologjisë bashkëkohore, me qëllim parandalimin, evidentimin dhe goditjen e krimeve kufitare, arrestuan shtetasen E. B., 30 vjeçe, banuese në Kosovë, pasi ka tentuar të kalojë kufirin, me dokumente të falsifikuara.