Hapësire reklamuese

Showbiz & Lifestyle

Vajza e ish-deputetit vdiq në aksident, Xhensila dedikim prekës: Na hidhërove zemrat

Shkruar nga Newsbomb

Këngëtarja e njohur, Xhensila Myrtezaj, ka reaguar lidhur me vdekjen e Eva Tavos.

Vajza e ish-deputetit Vangjel Tavo, humbi jetën dje në kulmin e rinisë, si pasojë e një aksidenti të rëndë rrugor në autostradën Tetovë-Shkup në Maqedoninë e Veriut.

Lajmi për vdekjen e Evës është pritur me hidhërim nga Xhensila Myrtezaj, e cila nëpërmjet një postimi në Instagram ka bërë një dedikim prekës për Evën.

“Eva diellore plotë mirësi, nuk mund ta besoj. Na hidhëroj zemrat ky lajm i kobshëm…Një ëngjëll ju bashkua parajsës”, shkruan Xhensila në Instagram.

Ish-deputeti, Vangjel Tavo, ndau lajmin e hidhur mbrëmjen e djeshme, nëpërmjet një postimi të ndjerë, shkruan newsbomb.al. Vajza e ish-deputetit, Eva Tako, e cila humbi jetën në aksident rrugor ishte vetëm 24 vjeç. Përcjella për në banesën e fundit për Evën do të bëhet ditën e enjte, 30 nëntor, ora 11:00 në Gjirokastër.

Lexo edhe: “Fati i zi” i familjes Tavo, vite me parë Eva humbi nënën, sot u shua vet në aksident

“Këto janë fjalët më të vështira që shkruaj në jetën time. Vajza ime e madhe Eva u nda nga jeta në kulmin e rinisë, në moshën më të bukur, siç ishte edhe vetë ajo. Varrimi bëhet ditën e enjte, datë 30 nëntor, ora 11:00 në Jorgucat, Gjirokastër”, shkruan Vangjel Tavo.

Newsbomb.al mëson se kjo nuk është tragjedia e parë për familjen Tako. Disa vite më parë është ndarë tragjikisht nga jeta edhe nëna e Evës, Aristulla Xhumba.

Lajmi për vdekjen e vajzës së ish-deputetit ka tronditur të afërm, miq dhe kolegë të ish-deputetit.

Mes komenteve të shumta në Facebook për të ngushëlluar Tavon, ka shkruar edhe ministrja për Marrdhëniet me Parlamentin, Elisa Spiropali. “Lutem të gjeni forcë ta përballoni dhimbjen e madhe që të lë pa frymë. Evës së bukur i qoftë i lehtë dheu e i ndrittë shpirti”, ka shkruar Spiropali.

Sondazh

Poll

Lexo gjithashtu

Hapësire reklamuese