Është evidentuar sërish rasti i organizimit dhe vënies në dispozicion të lojrave të palejuara të fatit në një lokal.
Për këtë arsye është proceduar penalisht për të dytën herë pronari i lokalit, me iniciale K.M, 26 vjeç, banues në Ballsh.
Procedimi ndaj këtij shtetasi filloi pasi në subjektin e tij u konstatua një tavolinë pokeri, chipsa dhe një pako letra bixhozi.
Njoftimi i policisë Mallakastër:
Bashkëpunimi me qytetarët procedon penalisht për herë të dytë pronarin e nje lokali për "Organizim të lojrave të palejuara dhe vënia në dispozicion e lokalit për lojra të palejuara"
Në zbatim të planit të masave për evidentimin e ushtrimit dhe zhvillimit të kundraligjshëm të lojërave të fatit, nga informacionet e mara nga qytetarët, u konstatua për herë të dytë i njëjti subjekt ku zhvilloheshin lojra fati.
Nga Specialistët e Seksionit për Hetimin e Krimeve në Komisariatin e Policisë Mallakastër u procedua penalisht për herë të dytë për të njëjtën vepër penale pronari i subjektit, shtetasi K.M, 26 vjeç, banues në Ballsh
Procedimi ndaj këtij shtetasi filloi pasi në subjektin e tij u konstatua një tavolinë pokeri, chipsa dhe një pako letra bixhozi.
Materialet në ngarkim të tij u referuan në Prokurorinë pranë Gjykatës së Shkallës së Parë Fier, për veprën penale “Organizimi i llotarive të palejuara”, "Organizimi i lojrave të pa lejuara dhe vënia në dispozicion të lokalit për lojra të palejuara".
Kontrollet do të vijojnë në gjithë Qarkun Fier kundër aktivitetit të lojërave të fatit.
Policia e Shtetit falenderon qytetarët dhe fton këdo të denoncojë falas në numrin 112 ose përmes aplikacionit 'Komisariati Dixhital', çdo veprimtari të tillë të kundraligjshme.