Ushtria ruse është urdhëruar të tërhiqet nga qyteti ukrainas Kherson, i vetmi kryeqytet rajonal i pushtuar që nga fillimi i pushtimit në shkurt. Gjenerali Sergei Surovikin, ka thënë se nuk ishte më e mundur të merrnin furnizimet.
Tërheqja do të thotë se forcat ruse do të zmbrapsen tërësisht nga rajoni në bregun perëndimor të lumit Dnipro.
Ministri i Mbrojtjes Sergei Shoigu tha se ai po urdhëronte tërheqjen e trupave përtej lumit Dnipro, sipas Reuters, ndërsa gjenerali Sergei Surovikin, komandanti i përgjithshëm i forcave ruse në Ukrainë, tha se ai propozoi të merrte linja mbrojtëse në bregun lindor të lumit.
Njoftimi erdhi pasi zyrtarët ukrainas thanë se forcat ruse po hidhnin qëllimisht në erë urat përreth qytetit. “Okupatorët aktualisht po minojnë absolutisht të gjitha urat në bregun e djathtë të rajonit Kherson,” tha Serhii Khlan, nënkryetari i këshillit rajonal të Khersonit, në një postim në Telegram.
