Katër persona thuhet se u vranë - nga të cilët dy fëmijë - pasi një shtëpi pranë qytetit të Kharkiv u granatua gjatë natës nga forcat ruse, thanë Shërbimet Shtetërore të Emergjencave të Ukrainës (SES). Sulmi ka ndodhur në fshatin Slobozhanske, në juglindje të Ukrainës.
SES shtoi se një vajzë pesëvjeçare e plagosur është dërguar me urgjencë në spital për trajtim. Ekipet e shpëtimit pritet të vazhdojnë operacionet e kërkimit sot për të nxjerrë trupat nga rrënojat. Një qendër tregtare u dogj gjithashtu nga bombardimet në zemër të Kharkiv - megjithatë nuk është raportuar për viktima.
Shtabi i Përgjithshëm i Forcave të Armatosura të Ukrainës ka publikuar përditësimin e tij të përditshëm të mëngjesit, duke thënë se avancimi rus në pjesë të Ukrainës është ngadalësuar.Sipas tyre, në Kiev përparimi rus është frenuar.
- Në Ukrainën lindore, forcat e mbrojtjes vazhdojnë të pengojnë ofensivën ruse në Donetsk, Slobozhansky dhe pjesë të rretheve operacionale Tavriya. Ata po mbrojnë qytetet e Kharkiv dhe Okhtyrka
- Në jug, mbrojtja e qytetit port të Mariupolit vazhdon
- Forcat ukrainase kanë shmangur gjithashtu ofensivën ruse në drejtimet e qyteteve Kryvyi Rih, Mykolayiv, Voznesensk dhe vendbanimin Novovorontsovka (rajoni Kherson).
- Gjatë dy ditëve të fundit, avionët luftarakë ukrainas dhe njësitë raketore anti-ajrore kanë shkatërruar katër avionë sulmues Su-25 dhe dy helikopterë rusë.
- Ritmi i ofensivës ruse është ngadalësuar. Numri i rasteve të dezertimit dhe plaçkitjeve është rritur ndjeshëm
Sondazh
Lexo gjithashtu
