Tirana
clear sky
9.5 ° C
9.5 °
9.5 °
57 %
1.5kmh
0 %
Hën
12 °
Mar
12 °
Mër
14 °
Enj
14 °
Pre
14 °
E hënë, 28 Nëntor, 2022

“Ushtari” i Nuredin Dumanit tregon si tentoi të vriste “të fortin” e Tropojës: Ardian Uzuni më ofroi 50 mijë euro, Filip Gjeloshi e kishte sharë në telefon

spot_img

Lajme të ngjashëm

Henrik Hoxhaj, “ushtari i Nuredin Dumanit që raportohet se ka marrë statusin i penduari i drejtësisë, ka treguar një tjetër atentat që ka bërë dhe porositësin. Sipas tij, Ardian Uzuni i kishte ofruar 50 mijë euro për të vrarë Filip Gjeloshin.

Ngjarja ka ndodhur në vitin 2011 dhe “i forti i Tropojës” ka mbetur i plagosur. Henrik Hoxhaj ka rrëfyer me detaje para prokurorëve të SPAK përgatitjen dhe ditën e atentatit, por thotë se në momentin që ka parë se Gjeloshi kishte në makinë një femër, ishte tërhequr.

“Sapo e kam parë të afrohej kur ai ndaloi në kthesë kam dalë nga makina ime dhe kam shtënë disa herë me breshëri të shkurtra por menjëherë e kam ndërprerë zjarrin pasi kam parë se në vendin e parë të makinës ka pasur një femër dhe duke qenë se nuk doja të dëmtoja femrën kam vendosur të mos qëlloja më”, ka treguar ai.

Pas këtij momenti, Henrik Hoxhaj është shprehur se nuk është marrë më me këtë rast, edhe pse Ardian Uzuni i kishte dhënë 10 mijë euro. “Arsyeja se përse donte ta vriste ishte sepse Filip Gjeloshi e kishte kërcënuar dhe ofenduar në telefon Ardianin pasi ky i fundit i kishte rrahur një njeriun e Filipit”, vijon ai.

Dëshmia e Henrik Hoxha – Atentati ndaj Filip Gjeloshit

“… Gjithashtu mbaj mend që në vitin 2011 muaji Shkurt duhet të ketë qenë, unë kam marrë porosi nga shtetasi Ardian Ozuni i cili aktualisht ndodhet në burg për ngjarje të tjera kriminale. Ky shtetas më ka ofruar që për të kryer vrasjen e shtetasit Filip Gjeloshi do të merrja shumën 50 mijë euro dhe më ka dhënë 10 milion lekë paradhënie për shpenzimet.

Arsyeja se përse donte ta vriste ishte sepse Filip Gjeloshi e kishte kërcënuar dhe ofenduar në telefon Ardianin pasi ky i fundit i kishte rrahur një njeriun e Filipit. Pasi pranova ofertën për ta kryer punën unë e kam mbikëqyrur disa here shënjestrën tek lokali i tij “Lekbibaj” derisa vendosa momentin e duhur për ta kryer.

Unë kam pasur një automjet Fiat Punto të bardhë pa dokumente me targa italiane dhe brenda mjetit kam pasur një automatik kallashnikov me silenciator. Automatikun ma ka gjetur Ardiani i cili njihej me pseudonimin “Cufi” dhe përveçse më gjeti armën i ka bërë nuk e di se ku edhe një silenciator të cilin e provuam tek karburanti i tij në Allias.

Ditën e ngjarjes mbaj mend që ka qenë errësirë dhe unë kisha i parkuar afër lokalit që ky shtetas kishte tek rruga “Siri Kodra” dhe po prisja që shënjestra (Filipi) të vinte. Ai ka ardhur pas një farë kohe me automjetin e tij mbaj mend që ka qenë i markës Mitsubishi me targa angleze dhe timon në krah të kundërt.

Sapo e kam parë të afrohej kur ai ndaloi në kthesë kam dalë nga makina ime dhe kam shtënë disa herë me breshëri të shkurtra por menjëherë e kam ndërprerë zjarrin pasi kam parë se në vendin e parë të makinës ka pasur një femër dhe duke qenë se nuk doja të dëmtoja femrën kam vendosur të mos qëlloja më dhe jam futur në makinën time dhe jam larguar për nga drejtimi i sipërm pasi nga shinat e trenit mund të kishte postbllok tek ura Paskuqanit. Më pas pashë në televizor që ai ishte plagosur nga atentati por nuk jam marrë më me atë punë duke qenë se nuk…”

Paranteza e Prokurorisë Speciale për dëshminë e Henrik Hoxhaj

Ky deklarim i bashkëpunëtorit të drejtësisë H. H. vjen në harmoni edhe me provat e tjera të grumbulluara deri në këtë fazë të hetimit. Nga deklarimi i Hoxhajt merren të dhëna me interes në lidhje me ekzekutorin ku rezulton se është vetë ai, në lidhje me porositësin e këtij krimi ku rezulton të jetë shtetasi Ardian Ozuni.

Nga deklarimi i këtij të fundit evidentohet edhe motivet që e çuan atë në porositjen e shtetasit Henrik Hoxhaj për të vrarë shtetasin Filip Gjeloshi. Rezulton se mes Filipit dhe Ardian Ozunit kishte një konflikt dhe ky është shkaku që çoi Ardianin që të vriste Filip Gjeloshin.

Për realizimin e qëllimit kriminal i dyshuari Ardian porosit pikërisht shtetasin Henrik Hoxhaj i cili ka marrë të gjithë masat për të realizuar vrasjen por pasoja e dëshiruar nuk erdhi për rrethana që nuk varen nga vullneti i autorëve të veprës penale.

Kështu, lidhur me këtë fakt prokurori arsyeton se: …ekziston dyshimi i arsyeshëm se autorë janë pikërisht të dyshuarit Henrik Hoxhaj, Ardian Ozuni, si dhe persona të tjerë të paidentifikuar për momentin të cilët kanë bashkëpunuar në formën e grupit të strukturuar kriminal për vrasjen e mbetur në tentativë ndaj shtetasit Filip Gjeloshi për arsye të pavarura nga vullneti i tyre.

Në këtë mënyrë ato kanë konsumuar elementët e veprave “Vrasja me paramendim e mbetur në tentative”, “Prodhimi dhe mbajtja pa leje e armëve luftarake dhe municionit”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 78, 22 dhe 278/1 të Kodit Penal, 28/4, 333/a dhe 334 të Kodit Penal.

Më shumë




spot_img








spot_img