Duke patur parasysh pamundësinë e zhvillimit normal të procesit mësimor, por edhe pamundësinë për të parashikuar se sa do të zhvillojë izolimi, Universiteti i Tiranës ka marrë vendimin që të vazhdojë të zhvillohet procesi mësimor në platformat online.
Në urdhrin e dhënë nga Rektori Mynyr Koni, thuhet se procesi mësimor do të zhvillohet duke ruajtur standardet bazë të procesit të mësimdhënies.
Në të njëjtën mënyrë ëshrtë vepruar edhe për arsimin 9-vjeçar dhe të mesëm, ku mësimet zhvillohen me anë të videove që transmetohen në RTSH.
Platformat online për të zhvilluar procesin mësimor studentët e Universitetit të Tiranës do të jenë gati pas datës 27 mars.
Ky urdhër do të jetë i përkohshëm dhe do të zgjasë për aq kohë sa zgjat periudha e infeksionit nga COVID-19.