Ishte Zëdhënësi i UNICEF-it, James Elder, i cili ka bërë këtë deklaratë të fortë për ferrin që po kalojnë fëmijët në Gaza.
Ai ka deklaruar se fëmijët në Gaza janë duke kaluar kushte ferri, duke paralajmëruar se situata mund të përkeqësohet.
“Në fillimin e kësaj lufte, UNICEF tha se Gaza ishte një varrezë për fëmijët dhe një ferr i gjallë për të gjithë të tjerët. Ajo vetëm sa është përkeqësuar pasi bombardimet dhe luftimet kanë vazhduar”, - tha Elder.
Elder këto deklarime i bëri pasi qëndroi një javë në Gaza. Ai paralajmëroi edhe pasoja të rënda të mungesës së ushqimit, ujit dhe ilaçeve të fëmijëve.
“Fëmijët në Gaza tani janë në rrezik nga qielli, sëmundje në tokë dhe vdekje nga uria dhe etja”, - tha zëdhënësi i UNICEF duke shtuar se kurrë nuk e kishte parë atë nivel shkatërrimi dhe dëshpërimi askund tjetër.
“Shumica e krizave prekin fëmijët tmerrësisht sepse fëmijët janë më të cenuarit, por shumica kanë rreth 20% të viktimave të fëmijëve, ky [konflikti i Gazës] është dy herë më vdekjeprurëse për fëmijët sesa shumë konflikte që kemi parë në 15 ose 20 vitet e fundit”, tha ai.
Ndërkohë para një muaji sipas një OJQ-je palestineze, mjë fëmijë palestinez vritet çdo 15 minuta nga bombardimet e Izraelit në Gaza.
Sipas raportit nga ‘Defense for Children International’ (DCI), deri në Nëntor, më shumë se 1 mijë fëmijë palestinezë nga 2 mijë e 808 viktima gjithsej kanë humbur jetën nga sulmet ajrore izraelite që nga fillimi i luftës.
Sondazh
Lexo gjithashtu
