Pedagogu Ervin Goci thotë se zbrazja e universiteteve për shkak të dinamikave demografike është vetëm një anë e pikurës së madhe që tregon për një “kolaps të gjithanshëm”.
Në një shënim në rrjetin social Facebook, Goci shprehet se cilësia e universiteteve është një tjetër problematikë që shkakton largimin e studentëve.
“Qeverisje, nuk ka shaka..unë bëj sikur ju paguaj, ju bëni sikur punoni..gjithë shoqëria zhytur në gjynah”, shprehet ndër të tjera Goci.
“Gazetarët që e kanë mësu gazetarinë me vesh thonë që universitetet janë boshatisur për shkak të dinamikave demografike në pikiatë, dhe deri në një farë niveli, kjo është e vërtetë..problemi është se kjo është e vërteta e pjesshme, sepse është dhe niveli i universiteteve që ndikon në njëfarë mase te dinamikat demografike, sidomos te moshat e reja. Demografia vë në vështirësi universitetin, ndërsa universiteti përzë njerëzit. Është e pamundur të jetë ndryshe. Një universitet që ka 12.000 degë, shumica mbushur me kontenierë lloqesh, pa asnjë impakt në treg, universitete që përsërisin pikë për pikë njëri-tjetrin deri në llahtar; por dhe ata që janë konkurues, me këtë sistem rekrutimi, veshtirë se do mund të ndërtojne strategji të reja. Kolapsi është i gjithanshëm. Ndërkohë këta na thonë rrisni rrogat me paret e studentëve të këputur, duke na bërë dhe ne kriminela me ta.
Qeverisje, nuk ka shaka..unë bëj sikur ju paguaj, ju bëni sikur punoni..gjithë shoqëria zhytur në gjynah..”, shkruan Goci.