Ka pësuar sërish rritje numri i infektimeve të reja në 24 orë në Itali.
Autoritetet e shëndetësisë raportuan 1071 raste të reja, 124 më shumë se dje, me numrin e të prekurve që shkon në 258.136 që nga fillimi i pandemisë.
Ndërkohë në 24 orët e fudnit ka patur edhe 3 viktima, një shifër më e ulët se dje (9), me shifrën e viktimave që shkon në 35.430 për shkak të koronavirusit.
Në Rajonin e Lombardisë gjatë 24 orëve të fundit u raportua për 185 raste të reja të pozitivitetit Covid, për një total prej 98 077 si dhe 0 viktima, numri i përgjithshëm i të cilëve mbetet 16.852.
Shifra e të shëruarve ka arritur në 205.203, pasi në 24 orët e fudnit 243 persona ia dolën të fitojnë betejën me koronavirusin.