Ministria e Shëndetësisë së Kosoëvs ka publikuar të dhënat për situatën pandemike për 24 orët e fundit. Kanë rezultuar pozitiv me Covid-19 583 qytetarë, ndërsa kanë humbur jetën 14 pacientë.
Sot janë shëruar 1.944 qytetarë, duke e çuar numrin e përgjithshëm të të shëruarve në 135.258 që nga fillimi i epidemisë.
Njoftimi i plotë i MSH:
11 Shtator 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 19.807 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.015.733 doza të vaksinës.
Deri më sot 355.633 qytetarë janë vaksinuar me dozën e dytë.
Nga 9.634 testime, 583 qytetarë kanë rezultuar pozitiv me virusin COVID-19.
Gjatë 24 orëve të fundit, janë shënuar 14 raste të vdekjes.
Sot janë shëruar 1.944 qytetarë, derisa numri i përgjithshëm i të shëruarve është 135.258.
Në total numri i rasteve aktive është 18.548.
