Zbulohet investitori i Gjirit të Manastirit në Sarandë. Prej ditësh komuniteti në Sarandë zjen për prishjen e një godine hotel në Gjirin e Manastirit, ku poseduesit aktual Stavri dhe Anila Ballkoni pretendojnë se kanë 20 vjet që shfrytëzojnë pronën dhe akuzojnë për interesa mafioze për marrjen e pronës së tyre, raporton newsbomb.al.
Por, ndryshe nga sa pretendojnë dy poseduesit, pronari i truallit me letra është Fredi Kasemi, që në fakt, është vëllai i Anila Ballkonit. Kasemi, i cili ka dalë në media dhe me dokumente, ka lajmëruar të motrën ti lirojë pronën që e ka marrë në shfrytëzim për 18 vjet sepse kërkon ta zhvillojë atë.
Rezulton sipas dokumenteve, se Fredi Kasemi, ka lidhur marrëveshje me kompaninë e ndërtimit Albstar. Eshtë kompania që ka ndërtuar edhe Arenën Kombëtare në mes të Tiranës dhe pretendon zhvillimin e zonës me kompleks vilash luksoze.
Projekti i kompleksit te vilave Plani i zhvillimit
Kasemi, si pronar i truallit, pretendon se planet dhe projektet i ka diskutuar edhe me të motrën që do të jetë pjestare te investimi i ri, por siç vërehet ditët e fundit, palët nuk kanë gjetur gjuhën e përbashkët, raporton newsbomb.al.
Ndërkohë kompania Albstar, në marrëveshje me pronarin, ka miratuar në Këshillin e Rregullimit të Territorit kompleksin e ri turistik, i cili pret të fillojë nga puna, pasi të lirohet objekti ekzistues.
Hoteli aktual te Gjiri i Manastirit Pronari nxjerr planin e zhvillimit
Katër ditë më parë, dy poseduesit e hotelit në Gjirin e Manastirit deklaruan se kanë marrë njoftimin për prishje nga Inspektoriati I Rregullimit të Territorit, në kuadër të projektit “Bregdeti ynë” që ka nisur nga qeveria shqiptare për prishjen e objekteve pa leje.
Dhe në krah të kompanisë, por edhe zhvillimit të zonës, ka dalë edhe pronari Fredi Kasemi, që deklaron se Plazhi I Gjirit të Manastirit do të jetë model për zhvillimin e turizmit të zones, raporton newsbomb.al.
Lexo edhe: Hotelit të njohur në Sarandë i shkon letra për shembje, pronari: E kam ndërtuar para 20 vitesh