Detaje të reja janë zbardhur në lidhje me aksidentin që u shënua orët e vona të mbrëmjes së djeshme në rrugën e “Rinasit”.
Ambulanca që po trasnportonte shtetasen Anila Berdaku, 42 vjeçe për në spital është përplasur me një makinë tip “Golf 5”.
Si pasojë humbi jetën pacientja 42 vjeçe, ndërsa mbetën të plagosur rëndë 3 persona të tjera. Dyshohet se shkak i aksidentit është bërë parakalimi i gabuar i ambulancës.
Burime për media bëjnë me dije se edhe shoferi i mjetit Golf, Antigon Abazi ishte në efektin e alkoolit.
Sipas matjes me drager hera e parë në masën 0.28 dhe e dyta 0.27 g/l, në kushtet për ndëshkim me masë administrative jo për arrest.
Policia po punon për zbardhjen e plotë të rrethanave të aksidentit.