Avokati i Stela Gugalljes ka mohuar që klientja e tij të jetë arrestuar nga Policia e Vjenës, këtë të martë, ashtu siç u raportuar më herët në medie. Bëhet me dije se Klodjan Skënderi ka thënë se janë duke kundërshtuar procedurat ligjore të ekstradimit të Gugalljas në Shqipëri.
“Stela Gugallja nuk është arrestuar dhe ndaluar. Gugallja është paraqitur në policinë e Vjenës duke deklaruar adresën e vendbanimit”, tha avokati për Ora News.
Më tej Skënderi tha se nuk ka asnjë dijeni për vendodhjen e Mirel Mërtirit, i cili gjithashtu është në kërkim nga autoritetet shqiptare.
“Në Austri s’ka asnjë proces ekstradimi ndaj Mirel Mërtirit”, mësohet të jetë shprehur ai.
Më herët gjatë ditës së sotme burime zyrtare bënë me dije se Stela Gugallja, e shpallur në kërkim ndërkombëtar për llogari të drejtësisë shqiptare në kuadër të hetimeve për incineratorët, është lokalizuar dhe ndaluar në Austri.
Lexio edhe: Ndalohet në Austri Stela Gugallja, pronarja e kompanisë së inceneratorëve pritet të ekstradohet në Shqipëri