Hapësire reklamuese

Aktualitet

U kapën me 114 kg drogë në Doganën e Goricës, Gjykata lë në burg 4 trafikantët e Korçës

Shkruar nga Newsbomb
U kapën me 114 kg drogë në Doganën e Goricës, Gjykata

Katër persona të arrestuar në një operacion anti-drogë të Policisë në Korçë, kanë dalë sot para Gjykatës dhe janë lënë në masën e sigurisë "Arrest në burg". Ligor Romaçka, Joni Mosku, Idriz Manej dhe Albion Çiko akuzohen se në bashkëpunim me njëri-tjetrin do të trafikonin drogë drejt Maqedonisë së Veriut.

Seanca është mbajtur mëngjersin e sotëm, në orën 09.30, ku është vendosur për fatin e 4 të arrestuarëve.

  • Ligor Romaçka, 29 vjeç, banues në Korçë.
  • Joni Mosku, 36 vjeç, banues në Korçë (i dënuar më parë për veprën “Prodhimi dhe shitja e narkotikëve”).
  • Idriz Manej, 66 vjeç, banues në Shkodër, (i dënuar më parë për veprën “Trafikimi i narkotikëve”).
  • Albion Çiko, 21 vjeç, banues në fshatin Vloçisht, Maliq (i cili ishte me masë sigurie “Arrest në shtëpi” për veprat penale “Ndihma për kalim të paligjshëm të kufijve” dhe “Mosbindja ndaj urdhrit të punonjësit të policisë së rendit publik”).

Operacioni i Policisë katër ditë më parë:

Në Pikën e Kalimit Kufitar Goricë, në dalje të Republikës së Shqipërisë, u bë kapja e shtetasit Joni Mosku, me mjetin tip “Opel Meriva”, brenda të cilit iu gjet e fshehur 66 kg lëndë e dyshuar narkotike kanabis.

Gjithashtu gjatë kontrollit të një magazine në lagjen nr. 1, Korçë, të marrë në përdorim nga shtetasi Ligor Romaçka, në brendësi të një mjeti tip “Opel Meriva”, pa targa, pa dokumentacion, u gjet një sasi tjetër prej 48 kg lëndë e dyshuar narkotike kanabis dhe një presë që shërben për paketimin e lëndës narkotike, si dhe gjatë kontrollit të banesës së tij, u gjet një armë sportive tip pistoletë.

Nga veprimet hetimore të kryera, rezulton se bashkëpunëtorë në këtë veprimtari kriminale ishin edhe dy shtetasit Idriz Menaj, në rolin e poseduesit të lëndës narkotike dhe shtetasi Albion Çiko, i cili kishte kryer modifikimin e mjetit, me qëllim fshehjen e sasisë së lëndës narkotike.

Në cilësinë e provës materiale u sekuestruan në total 114 lëndë e dyshuar narkotike kanabis, 1 armë sportive tip pistoletë, 4 automjete, 6 aparate celularë dhe 1 pajisje metalike (presë) e cila shërbente për paketimin e lëndës narkotike.

Sondazh

Poll

Lexo gjithashtu