36-vjeçari Leonard Poçi ka përfunduar në spitalin e Sarandës për shkak se është goditur me thikë në qafë, shpinë dhe duar.
Ngjarja e rëndë ka ndodhur ditën e sotme rreth orës 21:10, në lagjen nr.1 gjatë një konflikti për motive të dobëta. I plagosuri aktualisht po merr ndihmë mjekësore në Urgjencën e spitalit të Sarandës.
Sakaq, policia ka nisur hetimet për zbardhjen e rrethanave të plagosjes së tij.
Njoftimi i policisë:
Sarandë/Informacion paraprak
Sot, rreth orës 21:10, në lagjen nr.1, dyshohet se gjatë një konflikti për motive të dobëta, shtetasi Dh. T., rreth 32 vjeç, ka goditur me mjet prerës, në zonën e qafës, shtetasin L. P., rreth 36 vjeç.
Shërbimet e Policisë kanë shkuar menjëherë në vendngjarje dhe falë veprimeve të shpejta bënë të mundur kapjen e autorit të dyshuar, shtetasin Dh. T, dhe shoqërimin e tij në Komisariatin e Sarandës, për veprime të mëtejshme hetimore.
Shtetasi L. P, aktualisht ndodhet në spitalin e Sarandës, nën kujdesin e mjekëve.
Vijon puna e grupit hetimor për sqarimin e plotë të rrethanave të ngjarjes.
Sondazh
Lexo gjithashtu
