Hapësire reklamuese

Aktualitet

U arrestua Shkëlzen Berisha? Gjykata e liron, jep ‘’Arrest shtëpie’’ për kreun e Hipotekës

Shkruar nga Newsbomb

Pas arrestimit të bujshëm të kreut të Hipotekës në Shkodër, Shkëlzen Berishës, Gjykata ka thënë fjalën e saj. Masa e arrestit për të nuk do të jetë me burg, por thjesht ai do të izolohet në shtëpi.

‘”Arrest shtëpie’’ është masa e sigurisë për Berishën që akuzohet për abuzim me detyrën.

Policia e Shkodrës ka arrestuar më 1 shkurt  kreun e Zyrës së Pasurive të Paluajtshme në Shkodër, Shkëlzen Berisha. Kreu i Hipotekës në Shkodër akuzohet për “shpërdorim detyre” dhe dyshohet për kallëzim të rremë. Berisha ka regjistruar një pronë 8,000 metra katror në Theth të Shkodrës në emër të një personi që nuk kishte dijeni për çështjen. Pas akuzave nga Prokuroria, ministri i Drejtësisë, Ylli Manjani ka shkarkuar nga detyra kreun e Hipotekës në Shkodër si dhe ka kërkuar hetime të plota në zyrën e regjistrimit të pasurive.

Prokuroria e Shkodrës ka nxjerrë urdhër-ndalimi për kreun e Zyrës së Regjistrimit të Pasurive të Paluajtshme Shkodër, Shkëlzen Berisha, i dyshuar se ka konsumuar elementët e veprës penale ”Shpërdorimi i detyrës” dhe ”Kallëzimi i rremë”. Urdhëri është ekzekutuar nga ana e forcave të  Policisë së Shtetit mesditën e së Hënës (dt. 01.02.2016).

Nga hetimet e prokurorisë dyshohet se regjistruesi, si edhe dy zyrtarë të Hipotekës Shkodër kanë regjistruar një pasuri në pronësi të shtetit, me sipërfaqe 8000 m2 në Theth, në emër të një personi që nuk ka aplikuar për regjistrimin e asaj prone. Prokuroria e Shkodrës ka nisur hetimet bazuar në një kallëzim të vetë regjistruesit, i cili ka deklaruar se ka konstatuar një shkelje ligjore nga ana e topografit Spartak Haxhija dhe juristi Taulant Bejko në regjistrimin e kësaj prone.

Nga hetimet rezultoi se për regjistrimin e kësaj prone në mënyrë të kundërligjshme ka qenë në dijeni edhe vetë regjistruesi i Shkodrës. Në praktikën e sekuestruar në Hipotekën e qytetit, rezulton se prona 8000 m2 i është njohur shtetasit GJ.L nga zona e Thethit. Ndërkohë, në hetim rezultoi se shtetasi GJ.L. nuk ka bërë asnjë aplikim për njohjen e asaj prone në emër të tij. Po ashtu, rezultoi që praktika duket si e aplikuar nga një tjetër shtetas me të njëjtat gjeneralitete, GJ.L., por që jeton në një fshat tjetër.

Nga veprimet proceduriale të deritanishme, Prokuroria e Shkodrës ka krijuar dyshime të arsyeshme se regjistruesi Shkëlzen Berisha, në bashkëpunim me topografin dhe juristin e Hipotekës, kanë regjistruar pronën shtet 8000 m2 në fshatin Theth në emër të një shtetasi, i cili as nuk kishte aplikuar dhe as nuk ka pretendime për atë sipërfaqe.

Pak ditë më parë, me urdhër të Prokurorisë Shkodër, për këtë çështje është ndaluar topografi Spartak Haxhija, për të cilën Gjykata e Apelit ka vendosur masën ”detyrim paraqitje”. Po ashtu, ndaj juristit Taulant Bejko është në fuqi masa e sigurisë ”arrest në burg”.

Ndërkohë, me urdhër të Prokurorisë Shkodër, ditën e Hënë (dt.01.02.2016) është ndaluar nga forcat e Policisë së Shtetit edhe kreu i Hipotekës së Shkodrës, Shkëlzen Berisha. Ndaj tij, prokuroria ka krijuar dyshimet se ka ”shpërdoruar detyrën”, si edhe ka bërë ”kallëzim të rremë”, pasi e ka njoftuar faktin e paligjshmërisë sapo ka krijuar dyshimet e tij se mund të mbante përgjegjësi penale për regjistrimin e paligjshëm të pronës në Theth.

Sondazh

Poll

Lexo gjithashtu

Sondazh

Poll