Shtetet e Bashkuara të Amerikës dhe Koreja e Jugut i kanë kërkuar Podgoricës që të ekstradojë Do Kwon, themeluesin koreano-jugor të kriptomonedhës Terra, i cili u arrestua javën e kaluar në Mal të Zi.
Do Kwon, 31 vjeç është akuzuar për mashtrim pasi kompania që ai themeloi, Terraform Labs, lalimentoi vitin e kaluar. Si rezultat, investitorët e saj humbën rreth 40 miliardë dollarë ndërsa u shkaktuan turbullira në tregun e kriptomonedhave. Ai u arrestua të enjten e kaluar në aeroportin e Podgoricës së bashku me shefin financiar të kompanisë, Hong Chang Jun.
Sipas autoriteteve malazeze, ata posedonin pasaporta false nga Kosta Rika dhe u përpoqën të hipnin në një fluturim për në Dubai. Në bagazhet e tyre u gjetën edhe dokumente të rreme belge.
Të premten e kaluar ata u proceduan nga prokurorët malazezë për falsifikim dokumentesh dhe u caktua masa e paraburgimit prej 30 ditësh pasi dyshohej se ishin arratisur.
Pas arrestimit të Do Këon, Koreja e Jugut u zotua të kërkojë zyrtarisht ekstradimin e tij. Drejtësia amerikane, nga ana e saj, tha se ai është proceduar penalisht për tetë akuza, mes të cilave edhe për mashtrim në bursë.