I dërguari i posaçëm i Presidentit amerikan për bisedimet Kosovë-Serbi, Richard Grenell tha se udhëheqësit e dy vendeve do të takohen në Shtëpinë e Bardhë më 2 shtator.
“Ne jemi të lumtur të lajmërojmë se liderat e Kosovës dhe Serbisë do të trakohen në Shtëpinë e Bardhë për bisedime më 2 shtator”, shkruan Grenell
Fillimisht takimi ishte planifikuar më 27 qershor, por dështoi për shkak se Prokuroria e Hagës, publikoi njoftimin për ngritjen e akuzave ndaj presidentit të Kosovës, Hashim Thaçi dhe kryetarit të Partisë Demokratike, Kadri Veseli, si të dyshuar për krime kundër njerëzimit dhe krime lufte, gjatë luftës.
Ambasadori Grenell e bëri njoftimin për takimin më 2 shtator, në Twitter, por pa dhënë detaje të tjera.