Gjykata e Apelit në Tiranë ka shpallur të pafajshëm ish-Drejtorin e Tatimeve të Tiranës, Androkli Kokthi, i cili akuzohej për shpërdorim detyre.
Kokthi që prej muajit mars ka qëndruar në arrest shtëpie, pasi gjykata e cilësoi të paligjshëm ndalimin e tij.
Androkli Kokthi u arrestua në 18 Shkurt me urdhër të Prokurorisë së Tiranës pas dyshimeve se i kishte kthyer një subjekti mallin e konfiskuar pa faturë. Dyshohej se ishte dëmi i shkaktuar buxhetit të shtetit ishte rreth 40 milionë lekë të vjetra.
Ky veprim, sipas akuzës, ishte në kundërshtim të ligjit, pasi malli i konfiskuar nuk kthehet po vetëm shitet, si dhe nuk mund të shfuqizohet urdhri i konfiskimit i lëshuar nga Drejtoria e Përgjithshme e Tatimeve nga një organ më i ulët.