Ministria e Jashtme e Turqisë ka konfirmuar se zyrtarët turq do të takohen me delegacionet suedeze dhe finlandeze nesër në Ankara.
Ministri i Jashtëm i Finlandës, Pekka Haavisto, ka njoftuar më herët se vendi i tij dhe Suedia do të dërgojnë delegacione në kryeqytetin turk në përpjekje për të zgjidhur kundërshtimin e saj ndaj aplikimeve të dy shteteve për anëtarësim në aleancën ushtarake.
Presidenti turk, Recep Tayyip Erdoğan, zhvilloi biseda telefonike të ndara me liderët e Finlandës dhe Suedisë të shtunën dhe diskutoi shqetësimet e tij.
Turqia thotë se Suedia dhe Finlanda strehojnë njerëz të lidhur me Partinë e Punëtorëve të Kurdistanit (PKK), të cilën Turqia e konsideron si një organizatë terroriste, dhe pasues të Fethullah Gulen, të cilin Ankaraja e akuzon për orkestrimin e një përpjekjeje për grusht shteti të vitit 2016 dhe kjo është ndër arsyet se përse nuk pranon që dy vendet të anëtarësohen në NATO.
Sondazh
Lexo gjithashtu
