Një turist spanjoll ka humbur jetën në një hotel në fshatin Karavasta të Divjakës, pasi është vetë-plagosur me thikë. Grupi hetimor ka shkuar në vendngjarje dhe ka marrë në pyetje shokun e dhomës, i cili ka deklaruar se Franisco Cervilla, 47 vjeç ishte dëmtuar gjatë kohës që ishte në dush.
Nën drejtimin e Prokurorisë, po kryhen veprime të thelluara hetimore për sqarimin e rrethanave të ngjarjes, për të përcaktuar shkakun e kryerjes së vetëvrasjes.
Ndërkohë, është shoqëruar në ambientet e Policisë shoku i dhomës, shtetasi O. V., 41 vjeç, për sqarimin e të gjitha rrethanave dhe mekanizmit të ngjarjes. Në përfundim të veprimeve të para hetimore në vendngjarje do ketë njoftim të detajuar për këtë rast.
Divjakë/Informacion paraprak nga Policia
Në fshatin Karavasta, Divjakë, në një hotel, shtetasi spanjoll F. C., 47 vjeç, dyshohet se ka dëmtuar veten me mjet prerës (thikë) dhe për pasojë ka humbur jetën.
Sipas deklarimeve të para të shokut të tij të dhomës, shtetasit spanjoll O. V., 41 vjeç, rezulton se 47-vjeçari është dëmtuar me mjet prerës gjatë kohës që ka qenë duke bërë dush.
Nga ana e grupit hetimor, nën drejtimin e Prokurorisë, po kryhen veprime të thelluara hetimore për sqarimin e rrethanave të ngjarjes, për të përcaktuar shkakun e kryerjes së vetëvrasjes.
Ndërkohë, është shoqëruar në ambientet e Policisë, shoku i dhomës, shtetasi O. V., për sqarimin e të gjitha rrethanave dhe mekanizmit të ngjarjes. Në përfundim të veprimeve të para hetimore në vendngjarje do ketë njoftim të detajuar për këtë rast.
Sondazh
Lexo gjithashtu
