Trupat e 200 personave janë gjetur në rrënojat e një ndërtese të lartë në qytetin e kontrolluar nga Rusia të Mariupol në Ukrainë. Lajmi u bë me dije nga një këshilltar i kryetarit të bashkisë së qytetit, Petro Andryushchenko.
Trupat u gjetën me një "shkallë të lartë dekompozimi", tha Andryushchenko, duke shtuar se vendasit kishin refuzuar t'i grumbullonin dhe autoritetet ruse e kishin braktisur vendin.
Këshilltair i Bashkisë, Andryushchenko shtoi më tej se një numër i madh kufomash janë dërguar në një morg të improvizuar në Mariupol dhe "qyteti është kthyer në një varrezë të vazhdueshme".
Pjesa më e madhe e qytetit u shkatërrua në një javë të bombardimeve të rënda ruse dhe luftimeve intensive në rrugë.