Disa vatra zjarri u identifikuan sot në Bulqizë dhe në Burrel, konkretisht në zonën e Kongrazhdit dhe Fushë-Bulqizës.
Sipas policisë zjarrvënia ka qenë e qëllimshme dhe janë proceduar penalisht në gjëndjetë lirë S.T, A.S, 16 dhe 17 vjeç, si dhe H.Z 43 vjeç, i dyshuar për zjarrvënie të qëllimshme në aksin nacional Fushë-Bulqizë.
Materialet për tre shtetasit janë dërguar pranë Prokurorisë në Dibër dhe në Mat për veprat penale ‘Shkatërrim i pronës me zjarr’ si dhe ‘Shkatërrim nga pakujdesia i pyjeve’.
Njoftimi i Policisë:
Strukturat e Policisë së Drejtorisë Vendore të Policisë Dibër të angazhuara për vënien para përgjegjësisë ligjore të autorëve të zjarrvënies me qëllim apo nga pakujdesia në pyje dhe kullota.
Në Bulqizë e Burrel evidentohen dhe procedohen penalisht tre shtetas për zjarret në pyje.
Shërbime e Policisë të Komisariatit të Policisë Mat evidentuan dhe filluan procedimin penal në gjendje të lirë për shtetasit :
S.T, dhe A.S, 17 dhe 16 vjeç, banues në Burrel (autorë të dyshuar të zjarrit në zonën e Kongrazhdit, njësia Administrative Komsi, Mat)
Këta persona në zonën e Kongrazhdit, Njësia Administrative Komsi, Bashkia Mat, në bashkëpunim me njëri- tjetrin, nga pakujdesia duke djegur ferra e mbeturina, zjarri ka dalë nga kontrolli si pasojë e erës së fortë duke përfshirë dhe djegur sipërfaqje të konsiderueshme pyjore.
Gjithashtu po në kuadër të masave parandaluese , shërbimet e Komisariatit të Policisë Bulqizë kanë evidentuar dhe proceduar penalisht shtetasin H.Z, 43 vjeç, banues në Bulqizë (autor i dyshuar i zjarrit pranë aksit nacional Fushë-Bulqizë).
Ky shtetas nga pakujdesia duke djegur mbeturinat në fund të kopështit të tij, zjarri ka dalë nga kontrolli nga era duke u përhapur me shpejtësi në sipërfaqe të pyllit anës rrugës nacionale Fushë Bulqizë.
Materialet i kaluan Prokurorisë Dibër, e Mat, për veprat penale ‘Shkatërrim i pronës me zjarr’; ‘Shkatërrim nga pakujdesia i pyjeve’.
Drejtoria Vendore e Policisë Dibër apelon për të gjithë banorët dhe sidomos për blegtorët, që të tregojnë kujdes për mos shkaktuar zjarrvënie në pyje dhe kullota, si dhe të marrin masa të plota edhe në ato raste kur kryejnë pastrime me djegie në tokën e tyre buqësore apo në territorin e banesave të tyre.