Tre kandidatë të Gjykatës Kushtetuese kanë shprehur interes për të marrë kreun e këtij institucioni të rëndësishëm, që vlerëson kushtetutshmërinë e vendimeve dhe ligjeve në Shqipëri.
Sot, më 2 shkurt janë mbledhur gjyqtarët e Gjykatës Kushtetuese dhe kanë konstatuar mbylljen e afatit të aplikimeve për postin e kryetarit, dhe bëhet me dije se interes kanë shprehur Fiona Papajorgji, Marjana Semini dhe Holta Zaçaj.
Gjithashtu, Mbledhja e Gjyqtarëve, në bazë të parashikimeve ligjore, ka vendosur të zhvillojë mbledhjen e saj të radhës, në datën 15 shkurt 2023, ora 10:00, për të dëgjuar platformat dhe vizionin e secilës kandidate
Njoftim për shtyp – Gjykata Kushtetuese
Mbledhja e Gjyqtarëve të Gjykatës Kushtetuese, në kuadër të procedurës së zgjedhjes së Kryetarit të Gjykatës Kushtetuese u mblodh sot, më 2 shkurt 2023, dhe konstatoi përmbylljen e afatit të aplikimeve. Për këtë pozicion kanë shprehur interesin 3 gjyqtare, të renditura më poshtë, sipas rendit alfabetik, me bazë mbiemrin:
- Fiona Papajorgji
- Marjana Semini
- Holta Zaçaj
Gjithashtu, Mbledhja e Gjyqtarëve, në bazë të parashikimeve ligjore, ka vendosur të zhvillojë mbledhjen e saj të radhës, në datën 15 shkurt 2023, ora 10:00, për të dëgjuar platformat dhe vizionin e secilës kandidate, për të vijuar më tej me procedurat e votimit për zgjedhjen e Kryetarit të Gjykatës Kushtetuese.