6 persona janë proceduar penalisht nga Policia e Skraparit, pasi akuzohen për krime mjedisore. Sipas njoftimit bëhet me dije se këta persona kanë marrë gurë dekorativ nga Mali i Tomorit, duke e dëmtuar atë, gjë e cila ndalohet me ligj si zonë e mbrojtur. Personat me iniciale .S., 30 vjeç, F.M., 26 vjeç, G.K., 40 vjeç, I.Q., 43 vjeç., K.K., 39 vjeç dhe Sh.K., 35 vjeç, në bashkëpunim me njëri-tjetrin merrnin gurët dekorativ dhe i transportonin ato me kamionë për t’i shitur më pas.
Njoftimi i policisë:
Skrapar
Kontrolle të pandërprera në të gjithë territorin, për parandalimin, evidentimin dhe goditjen e krimeve mjedisore.
Procedohen penalisht 6 shtetas.
Sekuestrohet në cilësinë e provës materiale një kamion që transportonte pllaka guri dekorative.
Specialistët për Hetimin e Krimeve në Komisariatin e Policisë Skrapar, në kuadër të planit për parandalimin dhe goditjen e krimeve mjedisore, si rezultat i kontrollit të territorit, proceduan penalisht shtetasit A.S., 30 vjeç, F.M., 26 vjeç, G.K., 40 vjeç, I.Q., 43 vjeç., K.K., 39 vjeç dhe Sh.K., 35 vjeç.
Shërbimet e Policisë kanë konstatuar se këta shtetas po transportonin me një mjet kamion, pllaka guri dekorative të cilat dyshohet të jenë mxjerr në zonën e mbrojtur të Malit të Tomorit, duke dëmtuar habitatet natyrore të saj.
Materialet i kaluan Prokurorisë pranë Gjykatës së Shkallës së Parë Berat për veprime të mëtejshme.
Drejtoria e Policisë apelon për të gjithë qytetarët që të mos tentojnë të kryejnë krime mjedisore, si ndërtime pa leje, prerje të paligjshme të pyjeve, dëmtim të zonave të mbrojtura, ndotje të ajrit apo çdolloj krimi tjetër, pasi do të përballen me forcën e ligjit.
DVP Berat fton qytetarët që të denoncojnë në numrin 112 dhe në Komisariatin Dixhital, çdo paligjshmëri, duke iu garantuar anonimat të plotë, reagim të menjëhershëm dhe të paanshëm.