Tre fëmijë dhe tre të rritur, përfshi edhe drejtoresha, kanë mbetur të vrarë pas të shtënave me armë në një shkollë të krishterë në Nashville të shtetit Tenesi.
Autoritetet thanë se policia vrau në vendngjarje autoren e dyshuar për sulmin, një grua 28 vjeç.
Autorja është identifikuar si Audrey Hale, dhe është një femër biologjike që identifikohet si mashkull në profilin e saj në rrjetet sociale.
Gjithashtu autoritetet kanë konfirmuar se autorja është ish-nxënëse e kësaj shkolle.
Zyrtarët thanë se të tre fëmijët kishin plagë të shkaktuara me armë zjarri dhe se ata u shpallën të vdekur pas mbërritjes në spitalin e Fëmijëve ‘Monroe Carell Jr’.
Sulmi ndodhi në shkollën ‘The Covenant’, një shkollë presbiteriane me rreth 200 nxënës, nga sistemi parashkollor deri në klasë të gjashtë.