Një ngjarje tragjike ka ndodhur ditën e sotme në Greqi. Një foshnje 5 muajshe ka ndërruar jetë pasi ishte infektuar me Covid-19.
Mediet greke shkruajnë se foshnja u dërgua pa shenja jete në spitalin e Katerinës, ndërsa bëhet me dije se i vogli nuk kishte sëmundje të tjera. Që nga fillimi i pandemisë, në Greqi raportohet se kanë humbur jetën gjithsej 7 foshnje nga koronavirusi.
Së fundmi shifrat e Covid janë rritur ndjeshëm në vendin fqinj, ndërsa varianti Omicron vijon të përhapet me shpejtësi në të gjithë botën.