Koronavirusi ka shkaktuar tragjedi në disa familje shqiptare dhe kosovare.
Fatkeqësisht dy vëllezër nga Kosova kanë ndërruar jetë brenda tri ditësh pasi ishin infektuar me koronavirus. Lajmin e ka bërë të ditur deputeti i PDK-së, Gazmend Bytyqi përmes një postimi në rrjetet sociale.
Fillimisht ka ndërruar jetë Agron Bucaliu dhe tre ditë më pas ka vdekur edhe vëllai i tij Adnani. Deputeti i PDK-së kishte një miqësi me Adnan Bucaliun dhe e ka përshkruar atë si një njeri me zemër të madhe.
Njoftimi i plotë:
Lajm i rëndë
Mbrëmë mora lajmin e kobshëm, se vdiq Adnan Bucaliu, tri ditë pasi i vdiq edhe vëllai, Agroni.
Adnani ishte shok e njeri i mirë, me zemër të madhe e të bardhë.
Gjithmonë ishte i veçantë, jo vetëm për familjen, por edhe për mua e shoqërinë tonë, përgjithësisht.
Me zemër të thyer u shpreh ngushëllime familjes Buacliu dhe gjithë shoqërisë sonë të përbashkët.
Adnani e Agroni paçin qetësi në botën e përtejshme e të përjetshme, familjes ngushëllime nga thellësi e shpirtit.