Janë liruar mëngjesine sotëm nga burgu vëllezërit e Fiqiri Mjeshtrit, autori i vrasjes së babë e bir dje në Klos dhe plagosjen e dy të tjerëve, ndërkohë që pas ngjarjes ai u vetëvra.
Fatmir Mjeshtri dhe Besnik Mjeshtri këtë mëngjes lanë qelitë duke u kthyer në shtëpi. Ngjarja e rëndë ndodhi ditën e djeshme në Klos, ku autori Fiqiri Mjeshtri shkoi për t’u sqaruar me Ilir dhe Kenado Shirën, përkatësisht babë e bir, pasi nuk pranonte lidhjen e vajzës së tij me 17 vjeçarin Kenado Shira.
Më pas debati degjeneroi deri në përdorimin e armës, ku mbetën të vrarë Ilir dhe Kenado Shira dhe u plagosën dy të tjerë.
Pak minuta pas krimit autori u vetëvra. Ndërkohë ditën e djeshme vajza e viktimës Shira, ka deklaruar në Polici se të dy djemtë Kenado Shira dhe Renato Hasula e kishin shantazhuar me foto dhe video në Instagram.