Më shumë se 200 refugjatë dyshohet të kenë humbur jetën pas përmbytjes së dy varkave gjatë tentativës për të arritur brigjet europiane.
Forcat detare spanjolle thanë se kanë gjetur 5 trupa të pajetë pranë dy varkave të mbytura, disa kilometra larg brigjeve libiane. Sipas njoftimit për shtyp, çdo varkë mbante të paktën 100 persona.
Pesë trupat e pajetë të nxjerrë nga deti i përkasin djemve të moshës së re dhe shkaku i vdekjes duket të jetë mbytja.
Lajmi u konfirmua edhe nga roja bregdetare italiane, sipas të cilëve dyshohet të jenë mbytur rreth 240 emigrantë.