Një 48-vjeçar është arrestuar nga Policia e Elbasanit pasi akuzohet për trafikim të minave me telekomandë.
Gjatë kontrollit të uniformave blu shtetasi, Artur Kazanxhi banues në Durrës iu gjetën dhe sekuestruan në cilësinë e provës materiale 2 mina me telekomandë të cilat do ti shiste.
Specialistët për Hetimin e Krimeve ndaj Personit në Drejtorinë Vendore të Policisë Elbasan, në bashkëpunim me Prokurorinë e Rrethit Gjyqësor Elbasan, po vijojnë hetimet për identifikimin e personave të tjerë që janë të implikuar në këtë veprimtari kriminale.
Ndërkohë, materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.